Hjartnæmur áfangi Fernando Torres
Setja bókamerki
Spænski framherjinn Fernando Torres var líklega manna ánægðastur þegar Atlético Madrid vann Evrópudeildina í knattspyrnu með sigri á Marseille, 3:0, í úrslitaleik í kvöld.
Torres, sem er 34 ára gamall, var þarna að vinna sinn fyrsta titil með uppeldisfélagi sínu í sínum næstsíðasta leik fyrir liðið á ferlinum. Ein umferð er eftir af spænsku 1. deildinni og að honum loknum mun Torres yfirgefa herbúðir liðsins. Að fá því að lyfta Evrópubikar með uppeldisfélagi sínu gæti því vart talist betri kveðjugjöf.
Torres hóf ungur að spila með Atlético Madrid og fékk tækifæri með aðalliðinu aðeins 17 ára gamall árið 2001. Frá Atlético fór hann til Liverpool, Chelsea og AC Milan en sneri aftur til uppeldisfélags síns fyrir tveimur árum.
Hann hefur skorað 113 mörk í 330 leikjum með Madridarliðinu og þá hefur hann skorað 38 mörk í 110 leikjum með spænska landsliðinu sem hann varð heimsmeistari með 2010 og Evrópumeistari 2008 og 2012.
Sjá: Öruggur sigur Atlético í úrslitaleiknum
Skaut sex sinnum að feðginum á aðfangadagskvöld
Nemendur í HÍ reistu tjaldbúðir án leyfis
„Umsátursástand“
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Bergnuminn í Hvalfirði
Hvorki sést áður hér á landi né annars staðar