Tinna Helgadóttir landsliðsþjálfari í badminton, Atli Jóhannesson aðstoðarlandsliðsþjálfari og Jeppe Ludvigsen aðstoðarlandsliðsþjálfari hafa valið hópinn sem mun taka þátt fyrir Íslands hönd í forkeppni fyrir Evrópumeistaramót landsliða sem fer fram dagana 7.-9. desember.
Ísland spilar í riðli 3 ásamt Portúgal, Hollandi og Sviss en keppt verður í sjö riðlum og verða þeir spilaðir í Englandi, Moldóvu, Portúgal, Frakklandi, Þýskalandi, Póllandi og Búlgaríu. Þau lönd sem vinna sinn riðil hafa þá unnið sér inn þátttökurétt á EM landsliða sem mun fara fram í Danmörku í febrúar.
Landsliðshópurinn er þannig skipaður:
Arna Karen Jóhannsdóttir, TBR
Margrét Jóhannsdóttir, TBR
Sigríður Árnadóttir, TBR
Davíð Bjarni Björnsson, TBR
Kári Gunnarsson, TBR
Kristófer Darri Finnsson, TBR