Handknattleikskonan Hrafnhildur Hanna Þrastardóttir er gengin til liðs við ÍBV en það eru Eyjafréttir.is sem greina frá þessu. Hrafnhildur Hanna kemur til félagsins frá franska úrvalsdeildarliðinu Bourg-de-Péage þar sem hún lék á nýafstaðinni leiktíð við góðan orðstír.
Hrafnhildur Hanna, sem er 25 ára gömul, er uppalin á Selfossi og lék með liðinu frá 2011 áður en hún hélt út í atvinnumennsku. Hún á að baki 22 landsleiki fyrir A-lansdslið Íslands þar sem hún hefur skorað 47 mörk.
„Hanna á sterkar tengingar til Eyja en báðir foreldrar hennar eru fæddir í Vestmannaeyjum. Hanna sagði í samtali við Eyjafréttir að hugurinn hefði stefnt heim til Íslands eftir fínt tímabil í Frakklandi og að hún væri mjög spennt fyrir komandi tímabili með ÍBV,“ segir á vef Eyjafrétta.
Hrafnhildur Hanna er önnur landsliðskonan sem gengur til liðs við ÍBV fyrir þetta tímabil en Birna Berg Haraldsóttir skrifaði undir samning við félagið eftir áramót.