Erna endaði í níunda sæti á EM

Erna Sól­ey Gunn­ars­dótt­ir hafnaði í níunda sæti í úr­slitum í kúlu­varpi kvenna á Evr­ópu­meist­ara­móti 23 ára og yngri í frjálsíþrótt­um í Tall­inn í Eistlandi. Hún varð í morg­un ein af 12 kepp­end­um sem komust áfram úr undan­keppn­inni.

Erna kastaði 15,57 metra í morgun til að komast áfram úr undakeppninni og bætti svo svo aðeins í úrslitunum sem hófust rétt eftir 13. Lengst kastaði hún 15,75 metra, í þriðji tilraun, og dugði það henni til að enda í níunda sæti af 12 keppendum. Íslandsmet Ernu er 16,77 metrar en hún setti það í vor.

Jessica Schilder frá Hollandi tók gullið en hún kastaði lengst 18,11 metra. Lea Riedel frá Þýskalandi var önnur, kastaði 17,86 metra, og Svíinn Axelina Johansson tók bronsið, kastaði 17,85 metra.

• Blogga um frétt