Fána með skilaboðum til stuðnings konu sem sakaði knattspyrnumanninn Cristiano Ronaldo um kynferðisbrot var flogið yfir Old Trafford, leikvang Manchester United, fyrir fyrsta leik Ronaldo eftir endurkomu hans til Manchester í dag.
Baráttuhópurinn Level Up, sem bar ábyrgð á fánanum, segist hafa viljað „minna áhorfendur“ á ásakanir um nauðgun sem Ronaldo var borinn af Kathryn Mayorga.
Mayorga segir að Ronaldo hafi beitt sér kynferðisofbeldi á hóteli í Las Vegas í Bandaríkjunum árið 2009. Árið 2019 tilkynntu saksóknarar í Nevada-ríki að Ronaldo yrði ekki ákærður þar sem ekki væri hægt að sanna sekt hans.
„Trúum Kathryn Mayorga“, stóð á fánanum sem flogið var yfir leikvanginn skömmu eftir að leikurinn hófst klukkan 14 í dag. United sigraði öruggan 4-1 sigur og skoraði Ronaldo tvö mörk í þessum fyrsta leik sínum fyrir liðið í yfir 12 ár.
BBC greinir frá því að Mayorga hafi samið um miskabætur við knattspyrnumanninn utan dómstóla árið 2010. Á hún að hafa þegið 288 þúsund punda greiðslu, í dag um 50 milljónir króna, gegn því að greina ekki opinberlega frá ásökununum.
Lögmenn Ronaldo hafa áður sagt að bótagreiðslan hafi „engan verið játning á sekt hans“, heldur leið til þess að „binda enda á fáránlegar ásakanir á hendur honum“.
Árið 2018 reyndi Mayorga að fara fram á endurupptöku málsins án árangurs. Ronaldo hefur ekki neitað því að hafa hitt Mayorga en segir að samskipti þeirra hafi verið með samþykki beggja.