Gamla ljósmyndin: Heimsmeistari á Spáni
Setja bókamerki
Íþróttadeild Morgunblaðsins og mbl.is heldur áfram að gramsa í myndasafni Morgunblaðsins og birta á mbl.is á laugardögum.
Fyrir þau sem fylgdust með íþróttaumfjöllun á níunda og tíunda áratugnum var nafn Brodda Kristjánssonar nánast samofið badminton íþróttinni hérlendis.
Íslandsmeistaratitlar hans eru á fimmta tug talsins ef sigrarnir eru lagðar saman úr einliðaleik, tvíliðaleik og tvenndarleik. Sigrar hans á Íslandsmótinu spanna einnig langan tíma en Broddi varð til að mynda Íslandsmeistari í einliðaleik í fjórtánda skipti árið 2002 og var þá 41 árs gamall.
Meðfylgjandi mynd tók silfurrefurinn Árni Sæberg af Brodda á norðurlandamóti í Laugardalshöllinni árið 1986 og birtist myndin í Morgunblaðinu hinn 15. nóvember 1986. Árni mundar enn myndavélina fyrir Morgunblaðið og mbl.is.
Badminton var keppnisgrein á Ólympíuleikum í fyrsta skipti í Barcelona árið 1992. Var Broddi þá á meðal keppenda bæði í einliðaleik en einnig í tvíliðaleik ásamt Árna Þór Hallgrímssyni.
Féll hann úr keppni í einliðaleik fyrir Teeranun Chiangta frá Tælandi 15:2 og 15:12. Töpuðu Broddi og Árni Þór fyrir Chan Siu Kwong og Ng Pak Kum frá Hong Kong 15:12, 6:15 og 12:15.
Ferill Brodda í íþróttinni er langur en fyrir utan að hafa verið landsliðsþjálfari um tíma hélt velgengni hans áfram í eldri flokkum. Hápunktinum í þeim efnum náði Broddi þegar hann varð heimsmeistari í einliðaleik í flokki 45 - 49 ára á Spáni árið 2009.
Broddi var valinn Íþróttamaður Reykjavíkur árið 1993 og 1998.
/frimg/1/48/83/1488353.jpg)
Hugsaði fyrst um einmanaleika og innilokun
Verið að búa til „óánægju og kergju“
Hvað verður um plastið?
Landrisið gæti hafa stöðvast og gosið virðist eflast
Umdeild einkennismerki lögreglunnar
Verðskulda allir frambjóðendur jafna athygli?
Fylgið á hreyfingu tvist og bast