Axel Bóasson og Aron Bergsson féllu í dag úr leik á SM Match-mótinu á Nordic Golf-mótaröðinni. Leikin er holukeppni á mótinu og féllu þeir úr leik í 32-manna úrslitum.
Axel, sem vann Anton Moström í gær, þurfti að sætta sig við 3/2-tap gegn Adam Eineving frá Svíþjóð. Axel var yfir stærstan hluta leiksins, en Eineving tók fram úr Axel á lokasprettinum.
Aron mátti þola tap fyrir Svíanum Christopher Sahlström, 5/4. Sahlström er efsti kylfingur stigalistans á mótaröðinni og þegar kominn með þátttökurétt á Áskorendamótaröð Evrópu, þar sem hann hefur unnið fjögur mót á tímabilinu.
Haraldur Franklín Magnús var einnig á meðal kylfinga á mótinu, en hann féll úr leik gegn William Nygård frá Svíþjóð í gær.