MacKenzie Hughes, Louis Oosthuizen og Russell Henley leiða í sameiningu á Opna bandaríska meistaramótinu í golfi eftir þriðja hring. Leikið er á Torrey Pines-vellinum í San Diego í Kaliforníu.
Bandaríkjamanninum Henley hefur tekist að vera í forystu eftir alla þrjá hringina og Suður-Afríkumanninum Oosthuizen auðnaðist að vera jafn Henley þegar hann átti enn tvær holur eftir á fyrsta hring áður en slæm veðurskilyrði leiddu til þess að hann gat ekki klárað hringinn á fyrsta deginum.
Kanadabúinn Hughes lék hins vegar sérstaklega vel í gær og náði að jafna Henley og Oosthuizen. Að loknum þriðja hring hafa þeir allir leikið á fimm höggum undir pari.
Norður-Írinn Rory McIlroy og Bandaríkjamaðurinn Bryson DeChambeau eru þó ekki langt undan og hafa leikið á þremur höggum undir pari.
Lokahringurinn, sá fjórði fer fram síðar í dag.