Drammen vann nauman 24:23-sigur á Runar í norsku úrvalsdeildinni í handbolta í dag. Óskar Ólafsson nýjasti landsliðsmaður Íslands var sterkur hjá Drammen og skoraði fjögur mörk.
Fyrir helgi var Óskar valinn í sautján manna hóp fyrir leikina gegn Litháen og Ísrael í undankeppni EM sem fram fara í Laugardalshöllinni 4. og 7. nóvember.
Óskar hefur leikið með Drammen undanfarin ár og er alinn upp í Noregi. Hann hefur verið lykilmaður í varnarleik liðsins en látið meira að sér kveða í sóknarleiknum en áður á þessu keppnistímabili.
Drammen er í öðru sæti deildarinnar m eð 13 stig, einu stigi á eftir Arendal.