Noregur fer með fullt hús stiga í milliriðil á HM kvenna í handknattleik undir stjórn Þóris Hergeirssonar.
Noregur vann í kvöld stórsigur á Rúmeníu 33:22 sem lengi hefur verið í hópi sterkustu landsliða í Evrópu. Noregur vann alla þrjá leikina í C-riðli og Rúmenía vann tvo af þremur.
Frakkland vann Svartfjallaland 24:19 og vann alla leikina í A-riðli en Svartfjallaland hafnaði í 3. sæti riðilsins á eftir Slóveníu.
Rússland vann Serbíu örugglega 32:22 í B-riðli og Rússland fer með fullt hús í milliriðil eins og Noregur og Frakkland.
Svíþjóð og Holland gerðu jafntefli 31:31 í D-riðli og liðin fengu bæði 5 stig í D-riðli en Holland er með betri markatölu.