Jónína Hlín Hansdóttir leikur ekki með kvennaliði Fram í handknattleik á komandi keppnistímabili.
Þetta tilkynnti félagið á samfélagsmiðlum sínum en Jónína Hlín er á leið í nám í dýralækningum í Kosice í Slóvakíu.
Jónína Hlín, sem er 22 ára gömul, varð Íslandsmeistari með Fram á síðustu leiktíð en hún lék einnig hluta af síðasta keppnistímabili með Aftureldingu.
Hildur Þorgeirsdóttir og Stella Sigurðardóttir lögðu skóna á hilluna eftir síðustu leiktíð og þá fór Emma Olsson til Þýskalands.
Þá er óvíst hvort og hvenær Ragnheiður Júlíusdóttir og Karen Knútsdóttir snúa aftur á völlinn.