„Ég hélt að við værum með svipuð gæði en Ísland var með betra lið. Við lékum vel gegn þeim í fyrri hálfleik og leikurinn var jafn en svo stungu þær okkur af í seinni hálfleik,“ sagði Oliynik Yevgeny þjálfari Ísraela eftir 34:26 tap fyrir íslenska kvennaliðinu í handbolta að Ásvöllum í dag þegar leikinn var fyrri leikur liðanna í forkeppni heimsmeistaramótsins.
Ísrael var betur undirbúið og hafði upplýsingar um leikstíl og leikmenn íslenska liðið og ætlar sér betri niðurstöðu á morgun sunnudag.
„Við sáum marga leiki íslenska liðsins og settum saman myndband af þeim. Við vissum þess vegna hvernig liðið spilaði og á hvaða hraða en komum betur tilbúnar í seinni leikinn á sunnudag og þetta verður í lagi hjá okkur. Við förum nú á hótelið, hvílum okkur og förum yfir leikinn, skoðum myndbönd og komum svo aftur á morgun og vinnum leikinn, bætti þjálfarinn við.