Selfoss vann tveggja marka útisigur á Gróttu í Olís-deild karla í handknattleik í Hertz-höllinni í kvöld. Lokatölur voru 20:18, Selfossi í vil.
Jafnræði var á milli liðanna allan fyrri hálfleikinn og það voru skoruð afskaplega fá mörk, aðeins 14 talsins. Hálfleikstölur voru 7:7.
Selfyssingar byrjuðu síðari hálfleikinn betur og náðu 3:0-kafla á upphafsmínútum hans. Gróttuliðið var þó fljótt að svara fyrir það og jafnaði metin í 11:11 þegar 20 mínútur voru eftir af leiknum.
Þá jók Selfoss forystu sína aftur og náði fimm marka forystu, 18:13, þegar aðeins sex mínútur voru eftir. Gróttumenn svöruðu aftur fyrir það og minnkuðu muninn í minnst eitt mark. Forskotið var þó of mikið og Selfoss kláraði leikinn betur og sigldi 20:18-sigri heim.
Einar Sverrisson, í liði Selfoss, var markahæstur í leiknum með sex mörk. Þar á eftir komu samherjar hans Sigurður Snær Sigurjónsson og Karolis Stropus og Gróttumaðurinn Birgir Steinn Jónsson með fjögur.
Markverðirnir stóðu vaktina vel. Einar Baldvin Baldvinsson í liði Gróttu varði 14 skot og Vilius Rasimas einu minna í liði Selfoss.
Þessi úrslit þýða að Selfoss er með 11 stig í sjöunda sæti. Grótta er með átta, sæti neðar.
Mörk Gróttu: Birgir Steinn Jónsson - 4. Daníel Örn Griffin, Ágúst Emil Grétarsson, Hannes Grimm - 3. Jakob Ingi Stefánsson, Lúðvík Thorberg Arnkelsson - 2. Theis Koch Sondergard - 1.
Varin skot: Einar Baldvin Baldvinsson - 14.
Mörk Selfoss: Einar Sverrisson - 6. Sigurður Snær Sigurjónsson, Karolis Stropus -4. Ísak Gústafsson, Sæþór Atlason - 2. Tryggvi Sigurberg Traustason, Sölvi Svavarsson - 1.
Varin skot: Vilius Rasimas - 13.