Guðni Bergsson, formaður KSÍ, og Klara Bjartmarz, framkvæmdastjóri KSÍ, eru komin til Moskvu. Þar sitja þau fund Alþjóða knattspyrnusambandsins, FIFA, en á miðvikudaginn fer fram kosning á því hvar heimsmeistaramótið árið 2026 fer fram.
Tvær umsóknir um keppnishaldið bárust. Önnur er frá Marokkó en Bandaríkin, Kanada og Mexíkó sendu inn sameiginlega umsókn.
„Það kemur í ljós,“ sagði Guðni í samtali við mbl.is þegar hann var spurður hvert atkvæði Íslands færi í kosningunni.
HM árið 2022 verður haldið í Katar, þar sem verður spilað í nóvember og desember.