Kaupið Alfreð í sumar

Alfreð Finnbogason fagnar marki sínu gegn Argentínumönnum.
Alfreð Finnbogason fagnar marki sínu gegn Argentínumönnum. mbl.is/Eggert Jóhannesson

Stuðningsmenn enska úrvalsdeildarliðsins Newcastle vilja að félagið kaupi íslenska landsliðsframherjann Alfreð Finnbogason í sumar en Alfreð skoraði fyrsta mark Íslands frá upphafi á HM þegar hann jafnaði metin gegn Argentínumönnum í fyrsta leik Íslands á HM í Rússlandi á laugardaginn.

Alfreð, sem leikur með þýska liðinu Augsburg þar sem hann hefur átt góðu gengi að fagna, hefur af og til verið orðaður við Newcastle en hann skoraði 12 mörk fyrir Augsburg í þýsku 1. deildinni á síðustu leiktíð og varð markahæsti leikmaður liðsins.

Stuðningsmenn Newcastle hafa óskað eftir því að forráðamenn félagsins fái Alfreð í sumar en hér má sjá nokkrar twitter-færslur frá þeim.

mbl.is