Íslenska karlandsliðið í handknattleik hafnaði í 12. sæti á heimsmeistaramótinu sem nú stendur yfir í Svíþjóð og Póllandi.
„Ég held að flestir hafi gert sér vonir og væntingar um að liðið myndi enda í efstu átta sætum mótsins og það voru raunhæfar væntingar að mínu mati,“ sagði Erlingur Birgir Richardsson, þjálfari karlaliðs ÍBV í úrvalsdeildinni og fyrrverandi landsliðsþjálfari Hollands í samtali við Morgunblaðið.
„Það voru auðvitað einhverjir sem vildu að liðið færi ennþá lengra en svo voru aðrir sem voru svartsýnni á gengi liðsins. Mér þykir þó líklegt að markmið liðsins hafi verið að komast í átta liða úrslitin,“ sagði Erlingur.
Viðtalið við Erling er í heild sinni á íþróttasíðum Morgunblaðsins sem kom út í morgun.