Íslandsmeistarar Vals í körfuknattleik eru á leið í Evrópukeppni næsta vetur og verður þá fyrsta íslenska kvennaliðið til að taka þátt í Evrópukeppni í fjórtán ár í íþróttinni.
Karfan.is greinir frá þessu og hefur eftir Grími Atlasyni hjá körfuknattleiksdeild Vals að Valur hafi sett stefnuna á þátttöku í Evrópukeppni næsta vetur.
Valur fer þá væntanlega í Evrópubikarinn en tvær Evrópukeppnir fyrir félagslið eru hjá FIBA. Fari svo að fleiri en 32 lið skrái sig til leiks fara Valskonur væntanlega í forkeppni þar sem íslensk lið hafa ekki verið með í langan tíma.
Valur gerði á dögunum nýjan samning við lykilmann liðsins, Helenu Sverrisdóttur.