Mál sem körfuknattleikskappinn Kristófer Acox höfðaði gegn uppeldisfélagi sínu KR verður tekið fyrir í héraðsdómi á morgun.
Það var Vísir.is sem greinir fyrstur miðla frá þessu en Kristófer kærði KR vegna vanefnda á samningi á síðasta ári.
Kristófer gekk til liðs við Val frá KR í september á síðasta ári en framherjinn greindi frá því í lok september að hann ætti inni nokkrar milljónir hjá KR.
Leikmaðurinn reyndi að semja um málslok við fyrrverandi sem virðist ekki hafa tekist þar sem deilan er komin á borð íslenskra dómstóla.
Kristófer, sem er 27 ára gamall, varð þrívegis Íslandsmeistari með KR, 2017, 2018 og 2019.
Þá var hann valinn besti leikmaður deildarinnar tímabilið 2018 og 2019.