Luka Doncic átti enn einn stórleikinn fyrir Dallas Mavericks þegar liðið fékk Boston Celtics í heimsókn í bandarísku NBA-deildinni í körfuknattleik í nótt.
Doncic skoraði 31 stig, tók tíu fráköst og gaf átta stoðsendingar en leiknum lauk með 110:107-sigri Dallas.
Mikið jafnræði var með liðunum allan leikinn en Boston leiddi með einu stigi í hálfleik, 56:55.
Dallas var fjórum stigum yfir fyrir þriðja leikhluta en þegar tíu sekúndur voru til leiksloka jafnaði Jaylen Brown metin fyrir Boston í 107:107.
Það var hins vegar Doncic sem átti síðasta orðið í leiknum en hann skoraði þriggja stiga körfu fyrir Dallas þegar tæp sekúnda var til leiksloka og þar við sat.
Dallas er í níunda sæti Vesturdeildarinnar með fimmtán sigra en Boston er í sjötta sæti Austurdeildarinnar með fimmtán sigra.
Úrslit næturinnar í NBA:
Cleveland Cavaliers 112:111 Atalanta Hawks
Orlando Magic 93:105 Detroit Pistons
Brooklyn Nets 127:118 Sacramento Kings
Dallas Mavericks 110:107 Boston Celtics
New York Knicks 106:114 Golden State Warriors
Toronto Raptors 102:109 Philadelphia 76ers
Milwaukee Bucks 139:112 Minnesota Timberwolves
Denver Nuggets 111:106 Portland Trail Blazers