Tveir leikir eru á dagskrá Subway-deildar karla í körfuknattleik í kvöld þegar 8. umferð lýkur.
Þar ber hæst að nefna toppslag Íslandsmeistara Vals og Keflavíkur.
Valur er á toppnum með 12 stig og Keflavík er skammt undan með 10 stig í þriðja sæti og getur því með sigri í Origo-höllinni að Hlíðarenda jafnað toppliðið að stigum.
Þá tekur Breiðablik á móti Stjörnunni í Kópavogi í ekki síður athyglisverðum nágrannaslag.
Breiðablik er í öðru sæti deildarinnar með 10 stig og Stjarnan er í sjöunda sæti en þó með aðeins tveimur stigum minna en Blikar, 8 stig.
Leikirnir eru því mikilvægir í baráttunni í efri hluta deildarinnar.
Leikir kvöldsins:
Breiðablik - Stjarnan kl. 18.15
Valur - Keflavík kl. 20.15