Kamerúninn Joel Embiid var í essinu sínu hjá Philadelphia 76ers en gat þó ekki komið í veg fyrir 97:108-tap fyrir New York Knicks í NBA-deildinni í körfuknattleik í nótt.
Embiid skoraði 31 stig og tók 14 fráköst og var stigahæstur í leiknum.
Julius Randle var stigahæstur í liði New York með 24 stig, tók níu fráköst og gaf sjö stoðsendingar.
Líkt og Embiid átti LaMelo Ball stórleik fyrir Charlotte Hornets í tapi fyrir Orlando, 113:119.
Ball skoraði 33 stig, tók átta fráköst og gaf sex stoðsendingar.
Öll úrslit næturinnar:
New York – Philadelphia 108:97
Charlotte – Orlando 113:119
Minnesota – Denver 128:98
New Orleans – Sacramento 136:104
Memphis – Toronto 103:106
Indiana – Cleveland 103:122