Meistararnir jöfnuðu metin
Setja bókamerki
Denver Nuggets unnu Minnesota Timberwolves, 115:107, í fjórða leik liðanna í úrslitakeppni NBA-deildarinnar í körfubolta í Minneapolis í nótt. Staðan í einvíginu er 2:2 og allir leikirnir hafa endað með sigri útiliðsins.
Meistararnir frá Denver virtust búnir að vera eftir tvo tapleiki í þunna loftinu í Colorado en hafa snúið þessu við í Minnesota. Denver var með fimmtán stiga forskot í hálfleik og sextán stig í fjórða leikhluta frá Nikola Jokic tryggðu sigurinn. Liðin mætast næst í Denver aðfaranótt föstudags.
Jokic, sem nýlega var kjörinn verðmætasti leikmaður deildarinnar, skoraði 35 stig í heildina, tók sjö fráköst og gaf sjö stoðsendingar. Aaron Gordon skoraði 27 stig með sjö fráköst og sex stoðsendingar og Jamal Murray skoraði 19 stig og gaf átta stoðsendingar.
Í liði Timberwolves var Anthony Edwards að venju atkvæðamestur með 44 stig og 64% skotnýtingu. Rudy Gobert tók fjórtán fráköst og Karl Anthony Towns tólf. Towns skoraði þrettán stig en hitti einungis úr fimm af átján skotum sínum.
Stefnir í neyðarástand í Færeyjum
Fleiri taka út lífeyri 65 ára
Fastir í þrjár nætur á Mývatni
Á leið í land með 370 farartæki á sumardekkjum
Engin ákvörðun um nýjan varnargarð
Hraunið flæðir áfram í norðurátt
Landlæknir gagnrýnir frumvarp