Gengi hlutabréfa deCODE Genetics, móðurfélags Íslenskrar erfðagreiningar, lækkuðu um 2,06% á Nasdaq-markaðinum í New York í dag. Nam lækkunin 14 sentum á hlut og kostaði hann 6,66 dollara við lok viðskipta.
Í gær var lokagengi bréfa deCODE 6,80 dollarar en lægst fór gengið í dag í 6,62 dollara. Viðskipti með bréfin voru einungis um helmingur þess sem verið hefur á dag fyrstu fjóra daga vikunnar, en 231 þúsund hlutir skiptu um hendur í dag.