Ásmundur Einar Daðason, félags- og jafnréttismálaráðherra, hefur skipað Elínu Oddnýju Sigurðardóttur í stjórn Íbúðalánasjóðs.
Elín tekur sæti Drífu Snædal, framkvæmdastjóra Starfsgreinasambands Íslands, sem sagði sig nýlega úr stjórn sjóðsins og tilkynnti framboð sitt til forseta ASÍ í leiðtogakjöri sambandsins í október.
Elín Oddný er varaborgarfulltrúi Vinstri-grænna í Reykjavík.