Arion banki hefur tekið ákvörðun um að lækka vexti óverðtryggðra íbúðalána um hálft prósentustig og horfir meðal annars til nýlegrar stýrivaxtalækkunar Seðlabanka Íslands við ákvörðunina. Þetta kemur fram í tilkynningu frá bankanum.
Vaxtalækkunin hefur áhrif á ný íbúðalán og lán sem bera breytilega vexti. Með vaxtalækkuninni fara breytilegir vextir úr 6,6% niður í 6,1% auk þess sem fastir vextir til fimm ára fara úr 6,95% og niður í 6,45%.