Tólf sagt upp hjá Valitor

Tólf starfsmönnum Valitor hefur verið sagt upp í hagræðingarskyni í vikunni, en að sögn forstjóra fyrirtækisins hefur það undanfarin misseri unnið markvisst að fækkun starfsfólks með því að ráða ekki í þær stöður sem losna.

Frétt af mbl.is

Reiknar ekki með öllum hópnum á atvinnuleysisbætur

Fyrst var greint frá uppsögnunum á vef Vísis. Arion banki tilkynnti í dag um fækkun starfsfólks um 12% eða um 100 manns, en Valitor er dótturfyrirtæki Arion banka. 

Viðar Þorkelsson, forstjóri Valitor, segir að uppsagnirnar tengist ekki beint heldur sé einfaldlega um hagræðingaraðgerðir í kjölfar skipulagsbreytinga, með það að markmiði að bæta samkeppnisstöðu, að ræða. 

Frétt af mbl.is

Enn deilt um hundruð milljóna

„Við höfum verið að vinna þannig undanfarið að við höfum ekki verið að ráða í staðinn fyrir þá sem hafa hætt og það hefur auðvitað jákvæð áhrif á reksturinn, en í þessari viku eru þetta uppsagnir,“ segir Viðar í samtali við mbl.is.

Alls starfa um 200 manns hjá Valitor á Íslandi, en í fyrirtækinu öllu eru starfsmenn um 400.

• Blogga um frétt