Rangt að tala um ferðaþjónustukreppu

Ásdís Kristjánsdóttir, aðstoðarframkvæmdastjóri Samtaka atvinnulífsins.
Ásdís Kristjánsdóttir, aðstoðarframkvæmdastjóri Samtaka atvinnulífsins. mbl.is/Kristinn Magnússon

Rangt er að tala um yfirstandandi efnahagskreppu sem ferðaþjónustukreppu. Þótt áhrifin komi vissulega mjög þungt niður á henni sé ljóst að kreppan hafi víðtæk áhrif á atvinnulífið í heild sinni. Þetta segir Ásdís Kristjánsdóttir, aðstoðarframkvæmdastjóri Samtaka atvinnulífsins, í samtali við mbl.is.

Vísar Ásdís til könnunar sem Gallup gerði meðal stjórnenda 448 stærstu fyrirtækja landsins og birt var í dag. Samkvæmt könnuninni vænta 43% svarenda þess að aðstæður í efnahagslífinu muni versna á næstu sex mánuðum en 26% telja þær munu batna.

„Þessi könnun endurspeglar hversu djúp efnahagskreppan er sem við erum stödd í og eru væntingar stjórnenda að hún muni dýpka enn frekar á næstu mánuðum,“ segir Ásdís. 

Aðeins átta prósent stjórnenda telja að skortur sé á starfsfólki í fyrirtæki þeirra, en 92 prósent telja framboðið nægt, og draga Samtök atvinnulífsins þá ályktun að fækkun starfa sé fram undan í öllum atvinnugreinum.

„Þessi niðurstaða er í takt við spá Vinnumálastofnunar um að atvinnuleysið muni aukast næstu mánuði,“ segir Ásdís.

mbl.is

Bloggað um fréttina

Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK