Nýbirt þjóðhags- og verðbólguspá hagfræðideildar Landsbankans gerir ráð fyrir að íbúðaverð á höfuðborgarsvæðinu hækki um 10,5% milli ára í ár. Fram kemur að sú spá geri ráð fyrir að Seðlabanki Íslands beiti stýritækjum sínum til að slá á spennu sem margt bendi til að ríki á fasteignamarkaðnum.

Frétt af mbl.is

Mikil verðbólga stýrir vaxtahækkun

Í marsmánuði hækkaði vísitala íbúðaverðs um 4,9% í sérbýli og 2,8% í fjölbýli. Áður hafði Þjóðskrá metið hækkunina upp á 1,54% í sérbýli og 1,46% á fjölbýli en þau mistök hafa verið leiðrétt og því ljóst hækkunin nemur talsvert meira.

Frétt af mbl.is

Vísitala íbúðaverðs hækkar enn

Lítið hefur verið byggt af sérbýli síðustu ár þar sem áhersla hefur verið á byggingu minni íbúða síðustu ár. Um síðustu áramót voru 20% íbúða í byggingu samanborið við 40% 2008-2009. Því er ólíklegt að framboð sérbýlis á höfuðborgarsvæðinu aukist til skamms tíma.

„Samkvæmt nýbirtum og endurskoðuðum tölum Þjóðskrár Íslands er mun meiri kraftur í íbúðamarkaði höfuðborgarsvæðisins en áður birtar tölur Þjóðskrár gáfu til kynna. Íbúðaverð hækkaði um 3,3 % milli mánaða í mars og 2,7% í apríl. Mikil eftirspurn virðist vera eftir sérbýliseignum sem leiða nú hækkunina,“ segir m.a. í Hagsjánni. 

Þá kemur fram að hækkunin milli mánaða í mars sé sú mesta sem hafi mælst síðan í maí 2007 og því ekki lengur hægt að fullyrða að hér séu hóflegar hækkanir á ferð.

Nánar um Hagsjá landsbankans hér

Þjóðhagsspá Hagfræðideildar Landsbankans

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir

• Blogga um frétt