Launagreiðendum fjölgaði um 6,5% milli ára

Laun­greiðend­um á Íslandi fjölgaði um 6,5% á tólf mánaða tíma­bili, …
Laun­greiðend­um á Íslandi fjölgaði um 6,5% á tólf mánaða tíma­bili, frá nóvember 2020 til nóvember 2021. mbl.is/Eggert Jóhannesson

Laun­agreiðend­um á Íslandi fjölgaði um 6,5% á tólf mánaða tíma­bili, frá nóvember 2020 til nóvember 2021.

Þetta kemur fram á vef Hagstofu Íslands.

15.568 launagreiðendur voru í viðskiptahagkerfinu í nóvember 2021 sem er fjölgun um 949 (+6,5%) frá nóvember 2020 og fjölgun um 677 (+4,5%) frá nóvember 2019.

Frá nóvember 2019 hefur launagreiðendum fækkað um 66 (-10,3%) í rekstri gististaða og fjölgað um 50 (+7,9%) í veitingarekstri.

Frá árinu 2018 til 2019 fækkaði nýskráningum hluta- og einkahlutafélaga úr 2.307 niður í 2.201 en fjölgaði svo aftur upp í 2.487 árið 2020. Fjöldi nýskráninga hluta- og einkahlutafélaga árið 2021 liggur ekki fyrir.

Staðgreiðsluskyld launasumma lækkaði um 0,3% í október 2021 frá fyrri mánuði en hækkaði um 14,7% frá október 2020. Breytingin á milli ára var mismikil eftir atvinnugreinum. Vakin er athygli á því að greiðslur eru ekki verðlagsleiðréttar.

Þá voru alls 765 fyrirtæki skráð gjaldþrota árið 2020 sem er fækkun um 41 frá árinu á undan. Fjöldi þeirra fyrirtækja sem skráð voru gjaldþrota árið 2021 liggur ekki fyrir. 

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK