Á fundi stjórnar Orkuveitu Reykjavíkur í dag var forstjóra fyrirtækisins gefið umboð til þess að staðfesta ákvörðun stjórnar Ljósleiðarans um að ganga til samninga við Sýn um kaup á stofnneti félagsins.

Frétt af mbl.is

Vill ekki svara efnislegum spurningum um starfsemi Ljósleiðarans

Í tilkynningu segir að viðræður standi yfir um kaupin og þjónustusamning milli fyrirtækjanna.

Þá segir að með ákvörðun stjórnar er verið að verja og auka verðmæti Ljósleiðarans, eins af dótturfélögum OR.

„Við tökum alvarlega hlutverk okkar sem stjórnarfólks og ákvörðun um einstaka viðskiptasamninga er ekki í höndum eigenda OR, heldur stjórnar og hluthafafundar Ljósleiðarans. Það hefur verið staðfest af borgarlögmanni.“

Meginþunginn í starfsemi Ljósleiðarans verður áfram á suðvesturhorni landsins og stærstur hluti fjárfestinga félagsins liggur þar.

„Í ljósi þess m.a. að helstu viðskiptavinir fyrirtækisins, þ.e. símafyrirtæki, eru með starfsemi um allt land er eðlilegt að Ljósleiðarinn styðji við starfsemi þeirra þar einnig, að því marki sem er hagfellt fyrir rekstur Ljósleiðarans. Stjórn OR og eigendur hafa verið upplýst um þessar áætlanir en Ljósleiðarinn hefur sjálfstæða stjórn og framkvæmdastjóra,“ segir í tilkynningunni. 

Tengdar fréttir

Ljósleiðarinn og OR

Tap Ljósleiðarans margfaldast á milli ára

• Gagnrýnir lokaða sölu á Ljósleiðaranum
• „Ein stærsta fjárfesting í sögu Reykjavíkurborgar“
• Tap Ljósleiðarans rúmlega þrefaldast
• Erling lætur af störfum hjá Ljósleiðaranum

» Fleiri tengdar fréttir

• Blogga um frétt