Þrír sjávarútvegsfræðingar til Skagans3X

Pétur Jakob Pétursson.
Pétur Jakob Pétursson.

Hátæknifyrirtækið Skaginn3X hefur ráðið til sín þrjá unga sjávarútvegsfræðinga frá Háskólanum á Akureyri í söluteymi fyrirtækisins. Allir hafa þeir það sameiginlegt að hafa unnið lengi í sjávarútvegi, bæði til sjós og lands, að því er fram kemur í tilkynningu frá fyrirtækinu.

Pétur Jakob Pétursson hefur verið ráðinn sem svæðissölustjóri fyrir Rússland og Samveldi sjálfstæðra ríkja. Hann er með Bsc. gráðu í sjávarútvegsfræði frá Háskólanum á Akureyri auk frekara náms í sjávarútvegsfræði, meðal annars frá Háskólanum í Tromso í Noregi.

Pétur starfaði áður við innkaup og gæðastjórnun hjá Deutsche See, en fyrir það starfaði hann sem gæða og framleiðslustjóri hjá DFFU og við gæða- og sölumál hjá Samherja á Akureyri.

Freysteinn Nonni Mánason.
Freysteinn Nonni Mánason.

Freysteinn Nonni Mánason hefur þá verið ráðinn í stöðu svæðissölustjóra fyrir Ísland. Freysteinn er uppalinn Ísfirðingur með Bsc. gráðu í sjávarútvegsfræði frá Háskólanum á Akureyri, að því er fram kemur í tilkynningu.

Hefur hann lengi starfað í kringum sjávarútveg bæði á sjó og landi, meðal annars á Fiskmarkaði Suðurnesja, sem verkstjóri í fiskvinnslu og sem háseti og matsmaður á frystitogara.

Böðvar Styrmisson.
Böðvar Styrmisson.

Böðvar Styrmisson hefur verið ráðinn sem söluhönnuður, en Böðvar er Grindvíkingur með Bsc. gráðu í Sjávarútvegsfræði frá Háskólanum á Akureyri, ásamt því að hafa stundað nám í tækniteiknun hjá Tækniskólanum.

Starfaði hann áður á Fiskmarkaði Suðurnesja, en hann hefur lengi starfað í sjávaútvegi, m.a. sem sjómaður og í fiskvinnslum í landi.

Allir hafa þeir þegar hafið störf hjá fyrirtækinu og er fullyrt að nóg sé af verkefnum fram undan, enda séu vörurnar frá Skaganum3X eftirsóttar bæði innan- sem utanlands.

„Það er umtalsverð aukning í umsvifum á okkar lykilmörkuðum þannig að þeir eru frábær viðbót við teymið okkar, ekki síst til að tryggja áframhaldandi gott samstarf við núverandi og nýja viðskiptavini,“ er haft eftir Jóni Birgi Gunnarssyni, markaðs- og sölustjóra Skagans3X.

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 109,80 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

18.4.19 Þorgrímur SK-027 Grásleppunet
Grásleppa 1.003 kg
Samtals 1.003 kg
18.4.19 Ólafur Magnússon HU-054 Grásleppunet
Grásleppa 263 kg
Þorskur 8 kg
Rauðmagi 5 kg
Samtals 276 kg
18.4.19 Dagrún HU-121 Grásleppunet
Grásleppa 2.142 kg
Þorskur 271 kg
Skarkoli 32 kg
Rauðmagi 18 kg
Samtals 2.463 kg
18.4.19 Kambur HU-024 Grásleppunet
Grásleppa 1.566 kg
Þorskur 92 kg
Skarkoli 22 kg
Rauðmagi 13 kg
Samtals 1.693 kg

Skoða allar landanir »