Óvæntur gestur í laxateljara

Minkurinn fór í gegnum teljarann á mánudagskvöldið.
Minkurinn fór í gegnum teljarann á mánudagskvöldið. Skjáskot/Hafrannsóknastofnun

Laxateljarar á vegum Hafrannsóknastofnunar eru í alla vega 14 ám víða um land og þar af eru myndavélateljarar í níu ám. Þeir taka upp myndband af löxum þegar þeir fara í gegnum teljara til að bæta greiningu, meðal annars hvort um sé að ræða merkta eða ómerkta fiska og hvort eitthvað sé um eldislax. Þá eru slíkir teljarar einnig notaðir til að fá beina talningu á stærð hrygningarstofna.

Í vikunni fór óvæntur gestur í gegnum einn teljarann, en þá kraflaði minkur sig í gegnum teljara í Krossá á Skarðsströnd. Eins og sjá má á meðfylgjandi myndbandi fer hann nokkuð hratt í gegnum teljarann og ljóst að straumurinn ber minkinn samhliða því sem hann reynir að synda.

Guðni Guðbergsson, sviðsstjóri á ferskvatnssviði hjá Hafrannsóknastofnun, segir að önnur dýr en fiskar sjáist sjaldan í teljurunum, en það hafi þó komið fyrir áður. Nefnir hann að áður hafi þeir meðal annars séð fugl fara í gegnum teljarann í Krossá og þá hafi hann séð myndir frá Írlandi þar sem otur synti í gegnum viðlíka teljara.

Almennt eru laxateljarar settir á heldur straumþungt svæði, en það helgast af því að til að ná öllum fiski í gegnum teljarann þarf svæðið að vera nokkuð þröngt, jafnvel manngerð fyrirstöðugöng eða í laxastigum. Þar með er straumurinn mikill og veldur því að sjaldnast fara önnur dýr þar í gegn en fiskur.

Í Krossá er að sögn Guðna hins vegar nokkuð minni straumur þar sem teljarinn er en í öðrum ám og því sé líklegast þar að önnur dýr en fiskar fari í gegn. Guðni segir að myndavélateljarar sem þessi séu einnig í Úlfarsá, Elliðaám, Grenlæk, Langadalsá, Vesturdalsá, í Búðafossi í Þjórsá, Gljúfurá og Kálfá.

Teljararnir eru þróaðir af íslenska fyrirtækinu Vaka, en fyrstu vélarnar tóku skuggamyndir. Fyrir þó nokkru hafi þeir hins vegar þróað þá myndavélateljara sem nú séu notaðir. Er myndbandsupptaka í gangi og þegar fiskur (eða minkur ef því er að skipta) fer í gegn er stutt myndskeið vistað á tölvu sem starfsmenn Hafrannsóknastofnunar geta svo skoðað.

mbl.is
Afurð Dags. Meðalverð
Þorskur, óslægður 14.12.18 264,43 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,02 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,38 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

15.12.18 Hafrún Ís54 ÍS-054 Lína
Þorskur 1.644 kg
Ýsa 412 kg
Samtals 2.056 kg
15.12.18 Jónína Brynja ÍS-055 Lína
Ýsa 261 kg
Langa 209 kg
Þorskur 149 kg
Ufsi 45 kg
Hlýri 16 kg
Steinbítur 16 kg
Karfi / Gullkarfi 9 kg
Keila 2 kg
Samtals 707 kg
15.12.18 Fríða Dagmar ÍS-103 Lína
Þorskur 169 kg
Langa 160 kg
Karfi / Gullkarfi 16 kg
Keila 13 kg
Steinbítur 7 kg
Ufsi 5 kg
Samtals 370 kg

Skoða allar landanir »