Þingsályktunartillaga um fullgildingu Norður-Íshafssamningsins

Ríkisstjórnin samþykkti á fundi sínum í gær tillögu utanríkisráðherra um að leggja fyrir Alþingi þingsályktunartillögu um fullgildingu samnings um að koma í veg fyrir stjórnlausar úthafsveiðar í miðhluta Norður-Íshafsins.

Þetta kemur fram í tilkynningu frá utanríkisráðuneytinu.

Með samningnum skuldbinda samningsaðilar sig til þess að hefja ekki atvinnuveiðar á þeim hluta Norður-Íshafsins sem telst vera úthaf. Fram til þessa hafa veiðar á þessu hafsvæði verið útilokaðar en sökum loftslagsbreytinga kunna möguleikar á úthafsveiðum á þessu hafsvæði að opnast á næstu árum. Til að bregðast við þessum breyttu aðstæðum skuldbinda samningsaðilar sig til þess að hefja ekki slíkar veiðar fyrr en tryggt er að slíkar veiðar megi stunda á grundvelli fiskveiðistjórnunar sem byggi á vísindalegu mati á veiðiþoli viðkomandi fiskistofna og áhrifum slíkra veiða á viðkvæm vistkerfi á þessum slóðum. 

„Þessi samþykkt ríkisstjórnarinnar er í góðu samræmi við áherslur stjórnarsáttmálans á umhverfisvernd og sjálfbærni á norðurslóðum, og fyllilega í takt við fyrirhugaðar formennskuáherslur okkar í norðurskautsráðinu. Ég vænti þess að þetta mikilvæga málefni fái góðar viðtökur á Alþingi enda ber okkur skylda að sýna bæði ábyrgð og framsýni vegna þeirra breytinga sem eru fyrirsjáanlegar á norðurslóðum vegna loftslagsbreytinga,“ segir Guðlaugur Þór Þórðarson utanríkisráðherra.

Samningurinn var undirritaður 3. október 2018 í Ilulissat á Grænlandi. Auk Íslands var samningurinn undirritaður af Bandaríkjunum, Danmörku f.h. Grænlands, Japan, Kanada, Kína, Noregi, Rússlandi og Suður-Kóreu auk ESB. 

Tillagan liggur nú fyrir þingflokkum stjórnarflokkanna. Samþykkir þeir tillöguna verður hún lögð fyrir Alþingi sem stjórnartillaga.

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

18.4.19 Venus NS-150 Flotvarpa
Kolmunni 2.704.433 kg
Samtals 2.704.433 kg
18.4.19 Guðmundur Þór SU-121 Grásleppunet
Grásleppa 1.094 kg
Þorskur 204 kg
Ýsa 28 kg
Skarkoli 6 kg
Samtals 1.332 kg
18.4.19 Fönix BA-123 Grásleppunet
Grásleppa 5.289 kg
Þorskur 505 kg
Rauðmagi 61 kg
Skarkoli 4 kg
Samtals 5.859 kg
18.4.19 Sæfari BA-110 Grásleppunet
Grásleppa 3.728 kg
Samtals 3.728 kg

Skoða allar landanir »