Segir tækifæri í sjálfsiglandi skipum

Meðal þess sem kynnt verður á degi verkfræðinnar eru hugmyndir …
Meðal þess sem kynnt verður á degi verkfræðinnar eru hugmyndir um sjálfsiglandi skip sambærilegt því sem væntanlegt er frá Yara Birkeland á næsta ári. Mynd/Yara International ASA

„Norðmenn eru í mikilli forystu í þessu og þeir byrjuðu að pæla í þessu um 2015. Þeir eru með eitt skip í smíðum sem mun hefja siglingar um þetta leyti á næsta ári,“ segir Sæmundur E. Þorsteinsson, lektor við rafmagns- og tölvuverkfræðideild Háskóla Íslands, í samtali við mbl.is um sjálfsiglandi skip.

Erindi hans um þessa nýjung verður flutt á degi verkfræðinnar sem fer fram í dag.

Hann segir norska skipið, sem Yara Birkeland lætur smíða, vera ætlað til þess að sinna áburðarflutningum milli staða í Noregi.

„Hugsunin er sú að létta á vegakerfinu,“ segir Sæmundur og tekur fram að skipið verði að öllu leyti rafknúið. „Það verður að mér skilst algjörlega sjálfsiglandi og skynjar umhverfi sitt.“

Þá mun skipið sjálft forðast önnur skip og haga sér samkvæmt siglingareglum. Þó verður skipið í fjarskiptasambandi og er hægt að stjórna því frá landi, að sögn lektorsins. „Þannig að það er hægt að taka yfir stjórnina þótt það sé enginn maður um borð.“

Aukin hagkvæmni

„Við ættum að minnsta kosti að skoða þann möguleika mjög vel,“ svarar Sæmundur spurður hvort strandsiglingar sjálfstýrðra skipa hér á landi gætu dregið úr álagi á vegakerfinu.

„Stór hluti af rekstrarkostnaði skips eru laun áhafnar og eldsneyti,“ bætir hann við og bendir á að orkukostnaður við notkun rafmagnsknúins farartækis sé mun minni en þeirra sem nota eldsneyti. „Auk þess sem umhverfisáhrifin eru mun minni af því að knýja skipin með afli fossanna en díselolíu.“

Það gæti hentað að hafa ferjurnar frekar litlar og hægt yrði að haga flutningum eftir þörf í stað áætlunarsiglinga, að sögn Sæmundar.

Bæta gæði neysluvatns

„Við munum fara yfir það hvað Veitur hafa gert í framhaldinu af örveruatburðinum sem átti sér stað í janúar í fyrra og rannsóknir sem Veitur hafa sett af stað til þess að koma í veg fyrir slíka atburði,“ segir Hlín Benediktsdóttir, verkfræðingur hjá Veitum, í samtali við mbl.is um erindi sem hún mun flytja ásamt Sverri Guðmundssyni, verkfræðingi Veitna, á degi verkfræðinnar.

„Við erum með mælingar sem við höfum gert frá 2014 sem mæla þegar svona atburðir eru í aðsigi, að það komi mikil hláka þegar er frost og kemur mikil rigning og það verða snöggar leysingar. Eftir þennan atburð í fyrra þá höfum við sett af stað mikla vinnu til þess að koma í veg fyrir slíka atburði í framtíðinni,“ útskýrir Hlín.

Í fyrra kom upp tilfelli þar sem mældust gerlar í neysluvatni frá Heiðmörk í kjölfar mikillar hláku.

AFP

„Þetta eru aðgerðir sem geta hjálpað okkur við rekstur á vatninu og komið heilnæmasta vatninu til viðskiptavinanna og tryggt gæði vatnsins,“ segir Hlín.

„Við erum að setja fram lýsingartæki og auka dælingu á öðrum svæðum. Við getum líka skannað vatnsverndarsvæði betur og [viðhaft] meiri veðurvöktun, auk jarðvegshitamælinga,“ útskýrir hún og bendir á að auk þess að settur hefur verið af stað undirbúningur að því að fjárfesta í tæknibúnaði hafi einnig verið mikil fjárfesting í rannsóknum.

Þá hafa meðal annars háskólarnir, Orkuveitan og Veðurstofa Íslands komið að umræddum rannsóknum.

Dagur verkfræðinnar

Dagur verkfræðinnar er haldinn í fimmta sinn í dag á Hilton Nordica og hófst dagskrá klukkan eitt.

Skipuleggjendur segja markmið viðburðarins vera „að kynna verkfræðina, spennandi verkefni og störf á því sviði og ekki síst efla tengsl og samheldni meðal íslenskra verkfræðinga og tæknifræðinga“.

mbl.is
Afurð Dags. Meðalverð
Þorskur, óslægður 26.1.20 346,98 kr/kg
Þorskur, slægður 26.1.20 432,52 kr/kg
Ýsa, óslægð 26.1.20 299,46 kr/kg
Ýsa, slægð 26.1.20 319,61 kr/kg
Ufsi, óslægður 26.1.20 128,91 kr/kg
Ufsi, slægður 26.1.20 0,00 kr/kg
Djúpkarfi 4.12.19 156,00 kr/kg
Gullkarfi 26.1.20 221,61 kr/kg
Litli karfi 18.12.19 15,00 kr/kg
Blálanga, óslægð 26.1.20 238,00 kr/kg

Fleiri tegundir »

27.1.20 Fjóla GK-121 Plógur
Marþvari 256 kg
Samtals 256 kg
27.1.20 Kaldbakur EA-001 Botnvarpa
Þorskur 95.629 kg
Karfi / Gullkarfi 805 kg
Ufsi 375 kg
Samtals 96.809 kg
27.1.20 Patrekur BA-064 Lína
Þorskur 1.200 kg
Steinbítur 266 kg
Ýsa 165 kg
Langa 40 kg
Keila 17 kg
Skarkoli 5 kg
Samtals 1.693 kg
26.1.20 Gísli Súrsson GK-008 Lína
Ýsa 530 kg
Samtals 530 kg

Skoða allar landanir »

Afurð Dags. Meðalverð
Þorskur, óslægður 26.1.20 346,98 kr/kg
Þorskur, slægður 26.1.20 432,52 kr/kg
Ýsa, óslægð 26.1.20 299,46 kr/kg
Ýsa, slægð 26.1.20 319,61 kr/kg
Ufsi, óslægður 26.1.20 128,91 kr/kg
Ufsi, slægður 26.1.20 0,00 kr/kg
Djúpkarfi 4.12.19 156,00 kr/kg
Gullkarfi 26.1.20 221,61 kr/kg
Litli karfi 18.12.19 15,00 kr/kg
Blálanga, óslægð 26.1.20 238,00 kr/kg

Fleiri tegundir »

27.1.20 Fjóla GK-121 Plógur
Marþvari 256 kg
Samtals 256 kg
27.1.20 Kaldbakur EA-001 Botnvarpa
Þorskur 95.629 kg
Karfi / Gullkarfi 805 kg
Ufsi 375 kg
Samtals 96.809 kg
27.1.20 Patrekur BA-064 Lína
Þorskur 1.200 kg
Steinbítur 266 kg
Ýsa 165 kg
Langa 40 kg
Keila 17 kg
Skarkoli 5 kg
Samtals 1.693 kg
26.1.20 Gísli Súrsson GK-008 Lína
Ýsa 530 kg
Samtals 530 kg

Skoða allar landanir »