Útflutningsverðmæti verði 250 milljarðar

Í greiningu Íslandsbanka á íslenskum sjávarútvegi er spáð 4% aukningu útflutningsverðmæta árið 2020 og að útflutningsverðmæti sjávarafurða aukist um 9% í ár og verði um 250 milljarða króna. Hækkunin er sögð stafa af verðhækkunum, veikari krónu og auknum útflutningi þorsks.

Þá hefur hlutdeild sjávarútvegsins í gjaldeyrisöflun aukist nokkuð undanfarin þrjú ár og skilaði greinin um fimmtungi gjaldeyristekna þjóðarbúsins á fyrri helmingi ársins 2019.

Frétt af mbl.is

192 milljarða útflutningur sjávarafurða á árinu

Sjávarútvegurinn er sagður næst stærsta útflutningsgrein landsins á eftir ferðaþjónustu sem skilaði þriðjungi útflutningstekna. „Sjávarútvegur skipar mikilvægan sess þegar kemur að öflun gjaldeyristekna og mun gera það áfram á næstu árum,“ segir í greiningunni.

Ríflega helmingur útflutningsverðmæta er vegna útflutnings til fimm stærstu viðskiptaþjóða Íslands, en þær eru Bretland, Frakkland, Spánn, Noregur og Bandaríkin.

Frétt af mbl.is

Aflaverðmætið jókst um 13,6%

• Blogga um frétt