Tromlan bilaði í leiðindaveðri

Áhöfnin á dragnótabátnum Guðmundi Jenssyni SH var í óða önn í morgunsárið að reyna að ná dragnótinni af tromlunni. Þegar báturinn var á veiðum hafði tromlan bilað þegar var verið að taka nótina inn.

Illugi Jónasson skipstjóri segir bilunina hafa átt sér stað í leiðinda vestan átt og fimm metra ölduhæð og því hafi verið gripið til þess ráðs að halda nær landi í sléttari sjó þar sem hægt yrði að freista þess að ná henni inn fyrir. „Við náðum í stertinn á nótinni og náðum henni svo loks óskemmdri inn í bátinn.“

mbl.is/Alfons Finnsson

• Blogga um frétt