Frekari leit frestað fram á morgundag

Leit sem til stóð að fram færi í dag að skipverja, sem  talið er að hafi fallið fyr­ir borð af fiski­skip­inu Erl­ing KE-140 í Vopnafirði, hefur verið frestað vegna veðurs.

Í tilkynningu frá lögreglunni á Austurlandi kemur fram að vindur og talsverður sjógangur sé í Vopnafirði og því skilyrði til leitar slæm og ekki unnt að halda henni áfram í dag.

Stefnt er að leit á morgun, sunnudag, og er unnið að skipulagi leitar morgundagsins.

• Blogga um frétt