Drög sjávarútvegs- og landbúnaðarráðherra að frumvarpi um breytingu á ýmsum lögum á sviði fiskveiðistjórnunar til að styrkja eftirlit Fiskistofu hefur verið lagt til umsagnar í samráðsgátt.

Lagt er til að heildstæðu viðurlagakerfi verði komið á fót vegna brota á lögum á sviði fiskveiðistjórnar. Sömu heimildir verði milli mismunandi laga til að bregðast við brotum.

Einnig er lagt til að Fiskistofa fái heimildir til álagningar stjórnvaldssekta vegna brota á fiskveiðilöggjöfinni. Þá er lagt til að heimildir Fiskistofu til að framkvæma rafrænt eftirlit verði styrktar, að því er kemur fram í drögunum.

Loks er lagt til að hugtakið raunveruleg yfirráð við framkvæmd reglna um hámarksaflahlutdeildir verði afmarkað betur.

Frétt af mbl.is

Fiskistofa horfi á „menn að skíta“

Aðgangur að vöktunarkerfum

Samkvæmt drögunum að frumvarpinu verður eftirlitsmönnum Fiskistofu heimill aðgangur að rafrænum vöktunarkerfum á löndunarhöfnum í þeim tilgangi að hafa eftirlit með löndun afla.

Skipstjórnarmenn veiðiskipa skulu halda rafrænar afladagbækur eða rafræna aflaskráningu með snjallsímaforriti. Fiskistofa getur svipt skip leyfi til veiða í atvinnuskyni vegna vanskila á afladagbókum og skal leyfissvipting standa þar til skil hafa verið gerð eða skýringar hafa verið gefnar á ástæðum vanskila. Þá er skipstjórum skipa sem vinna afla um borð skylt að halda um vinnslu aflans í sérstakri vinnsludagbók.

Umsagnarfrestur í samráðsgátt vegna draganna að lagafrumvarpinu er til 8. mars.

Tengdar fréttir

Eftirlit með veiðum

Útgerðaraðili sviptur leyfi þrisvar á þremur árum

• Tilkynna drónaeftirlit í mars
• Þrír sviptir leyfi það sem af er ári
• Unnið að aukinni skilvirkni veiðieftirlitsins
• Boðar byltingu í drónaeftirliti Fiskistofu

» Fleiri tengdar fréttir

• Blogga um frétt