„Lagt var upp með í þverpólitískri samstöðu fyrir tveimur árum, að mínu frumkvæði, að gera breytingar á strandveiðikerfinu. Það náðist til eins árs, að gera tilraunabreytingar sem tókust ágætlega. 

Síðan náðist aftur þverpólitísk samstaða, undir minni forystu, um að byggja á því frumvarpi og voru afgreidd varanleg lög og unnið eftir þeim síðasta sumar,“ segir Lilja Rafney Magnúsdóttir, þingmaður og formaður atvinnuveganefndar Alþingis, í samtali við 200 mílur. 

Frétt af mbl.is

Gott verð gleður á strandveiðum

Í ljós kom að potturinn dugði ekki til að tryggja öllum strandveiðisjómönnum 48 daga til að róa, sem var útgangspunkturinn í allri löggjöfinni að sögn Lilju Rafneyjar. 

Lilja Rafney lagði á miðvikudaginn fram frumvarp um breytingar á strandveiðikerfinu þannig að 48 veiðidagar verði tryggðir öllum leyfishöfum.

37% aukning fyrstu sjö dagana

„Þegar litið er til upphafs strandveiða á yfirstandandi veiðitímabili er ólíklegt að 10.000 tonn muni tryggja veiðar til ágústloka. Afli fyrstu sjö dagana hefur aukist um 37% frá sömu viðmiðun árið 2020 og allt útlit er fyrir að um 700 bátar stundi strandveiðar í ár. Samkvæmt tölum undanfarinna þriggja ára hefur bátum á strandveiðum fjölgað,“ segir í greinargerð frumvarps Lilju Rafneyjar.

„Frá þeim tíma hef ég reynt að tala fyrir því við hæstvirtan [sjávarútvegs]ráðherra. Það hefur ekki náðst niðurstaða í það. Undanfarnar vikur var reynt sérstaklega að fá niðurstöðu í það gagnvart ráðherra. Það tókst ekki,“ segir Lilja Rafney. 

Hún segir frumvarpið sem hún lagði fram vera þrautalendingu hvernig hægt væri að framkvæma breytinguna til bráðabrigða í ár. 

Áhyggjur á meðal sjómanna og fiskvinnslufólks

„Við blasti að sama staða kæmi upp og miklar áhyggjur meðal sjómanna og þeirra sem kaupa fisk af strandveiðisjómönnum af að hafa ekki nægt hráefni til vinnslu í ágúst,“ útskýrir Lilja. 

Hún segist vita að frumvarpið sé seint fram komið, en það hafi verið lagt fram til að ná fram umræðu um málið og vonast til að það verði tekið með inn í þinglokasamninga. 

„Ef það næðist umræða um þetta í þinglokasamningum, að þetta væri brýnt atvinnumál, þá væri þarna mögulegt tækifæri.“

Helgi Hrafn Gunnarsson, þingmaður Pírata, lagði í dag við upphaf þingfundar fram tillögu um að frumvarp Lilju Rafneyjar yrði tekið fyrir á þingfundinum með þeim afleiðingum að upplausn myndaðist í þingsal um tíma. Málið var ekki tekið á dagskrá þingsins.

Frétt af mbl.is

Hiti á Alþingi: „Spreðað út um allan bæ“

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Strandveiðar

Veiðileyfum á upphafsdegi strandveiða fjölgaði

• Mokveiði á fyrsta degi strandveiða
• Mikið um að vera í stjórnstöð Landhelgisgæslunnar
• „Síðustu leifar náttúrulegs lífs á Íslandi“
• Bjartsýnir sjómenn gera klárt fyrir strandveiðar

» Fleiri tengdar fréttir

• Blogga um frétt