Varðskipið Týr lauk sinni síðustu ferð í dag
Setja bókamerki
Varðskipið Týr kom til Reykjavíkur klukkan níu árdegis í dag og lauk þar með síðasta úthaldi sínu. Varðskipið Freyja tekur formlega við keflinu þegar Týr kemur til hafnar en Freyja fer í sína fyrstu eftirlitsferð 22. nóvember. Þetta segir Ásgeir Erlendsson, upplýsingafulltrúi Landhelgisgæslunnar, í samtali við Morgunblaðið.
Týr kom í fyrsta sinn til Reykjavíkur 24. mars 1975 og lagðist að Ingólfsgarði. Skipið var þá fullkomnasta skip Íslands og jafnframt það dýrasta en það kostaði um einn milljarð króna. Varðskipið fór sína fyrstu ferð til björgunar- og landhelgisgæslustarfa frá Reykjavík þann 29. mars 1975, undir stjórn Guðmundar Kjærnested , skipherra, og það kom í hlut Eiríks Bragasonar, skipherra, að stýra skipinu í lokaferðinni.
Í byrjun þessa árs var Týr tekinn í slipp í Reykjavík. Við skoðun kom í ljós að vél sem stýrir skrúfubúnaði skipsins var illa skemmd. Jafnframt kom í ljós að tveir af tönkum skipsins voru mikið skemmdir sökum tæringar og var því ekki talið svara kostnaði að gera við skipið.
Bergnuminn í Hvalfirði
Frambjóðendur skila inn listum í Hörpu
Kaldasti veturinn kom að óvörum
Telur forsendur fyrir vaxtalækkun
Norskur lögreglumaður dæmdur
Þyngri refsing fyrir að nauðga stjúpdóttur æskuvinar
Skaut sex sinnum að feðginum á aðfangadagskvöld