Víkingur AK kom með fyrsta loðnufarm sinn til Vopnafjarðar klukkan átta í gærmorgun og var því fyrr með sín 2.100 tonn til hafnar en Bjarni Ólafsson AK sem landaði sínum 1.600 tonnum í Neskaupstað rétt fyrir hádegi í gær.

Fram kemur á vef Brims, sem gerir Víking út, að aflinn hafi fengist í níu holum á svipuðu svæði og önnur skip hafa verið að ná loðnunni að undanförnu, um 45 sjómílur norður af Melrakkasléttu.

Skip Brims hafa verið á miðunum að undanförnu og að því er 200 mílur komast næst kom Venus NS til hafnar á Vopnafirði í nótt með loðnuafla en Svanur RE er enn á miðunum og mun halda til Vopnafjarðar á næstunni. Úthlutaður loðnukvóti Brims er 113 þúsund tonn og hafa skipin í nógu að snúast.

Frétt af mbl.is

Fyrsta loðnan komin til hafnar í Neskaupstað

Tengdar fréttir

Loðnuveiðar

Kaupa norska loðnu á uppboði

• Árangurslausri loðnuleit formlega lokið
• Ekkert markvert fundist af loðnu
• Heimaey bættist í hóp leitarskipa
• Tvö skip leita nú loðnu suðaustur af landinu

» Fleiri tengdar fréttir

• Blogga um frétt