Fimm úr áhöfn Bergeyjar VE reyndust smitaðir af Covid-19 eftir að áhöfnin fór í PCR-próf í Vestmannaeyjum, að því er fram kemur á vef Síldarvinnslunnar sem er móðurfélag Bergs-Hugins sem gerir skipið út.

Sagt var frá því á sunnudag að að minnsta kosti þrír í áhöfninni væru smitaðir eftir að hraðpróf voru framkvæmd um borð. Skipinu var því siglt til hafnar í Vestmannaeyjum þar sem framkvæmd voru PCR-próf. Í gær var skipið sótthreinsað, en ekki er vitað hvenær verði haldið til veiða á ný.

Frétt af mbl.is

Smit í togaranum Bergey VE

„Það voru áhafnaskipti í Neskaupstað á fimmtudaginn. Einn sem var að koma í land fór að finna fyrir einkennum á föstudag og var þá kominn til Reykjavíkur. Hann fór í hraðpróf og reyndist þá jákvæður. Það var endurtekið þrisvar sinnum og skilaði alltaf jákvæðri niðurstöðu. Síðan fór hann í PCR-próf og þá var niðurstaðan staðfest. Þegar þarna var komið sögu fór öll skipshöfnin í hraðpróf um borð og þá reyndist annar jákvæður,“ er haft eftir Arnari Richardssyni, rekstrarstjóra Bergs-Hugins.

Hann segir Landhelgisgæslunni hafa strax verið gert viðvart um stöðu mála og að skipinu hafi verið snúið í átt að Vestmannaeyjum.

„Í Vestmannaeyjum var tekið PCR-próf af áhöfninni og þegar niðurstaðan úr því lá fyrir bættust tveir í hópinn þannig að alls voru þá smitaðir orðnir fimm talsins. Þegar í land kom fór öll áhöfnin í sóttkví og í gær var allt skipið sótthreinsað hátt og lágt. Það er alveg óvíst hvenær Bergey heldur til veiða á ný,“ segir Arnar.

Bergey VE 144. Ljósmynd/Egill Guðni Guðnason

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt