Lýsa áhyggjum af koparmengun frá sjókvíaeldi
Setja bókamerki
/frimg/1/43/69/1436988.jpg)
Netin sem notuð eru í kvíarnar í sjókvíaeldi eru mörg gegndræpt með koparblendi. Kostur þess að nýta slíkt efni er að koparblendi hefur örverudrepandi áhrif, en vísindamenn segja hættu á að efnið mengi út frá sér og gera þeir nú ráð fyrir neikvæðum áhrifum þess á lífríkið nálægt sjókvíaeldi umrætt efni er notað, að því er fram kom í umfjöllun 200 mílna.
Norska hafrannsóknastofnunin (Havforskningsinstituttet) tilkynnti fyrr á árinu að hún hafi unnið að því að taka saman fyrirliggjandi þekkingu á losun kopars og hafið rannsóknir á áhrifum þess á krækling. Verkefnið er framkvæmt að beiðni norsku fiskistofunnar (Fiskeridirektoratet).
Í færslu á vef stofnunarinnar fullyrðir Bjørn Einar Grøsvik, vísindamaður á sviði mengunar, að „losun kopars frá netunum er af þeirri stærðargráðu að við gerum ráð fyrir að hún hafi áhrif á sjávarlífverur.“
Bent er á að þegar meta á áhættu sem tengist áhrifum frá mismunandi mengunarvöldum er mikilvægt að kortleggja hvort áhrifin séu til skamms eða lengri tíma, hvort þau séu afturkræf eða óafturkræf og hvort efnin sem um ræðir eru niðurbrjótanleg eða safnast fyrir í umhverfinu (séu þrávirk). Áhrif kopars frá sjókvíaeldi eru að mestu staðbundin, en þar sem eldissvæðin eru nýtt í áraraðir eru áhrifin langvarandi.
Fjallað var um málið í síðasta blaði 200 mílna.
Sleppt úr varðhaldi: Búið að klippa kanta á seðlum
Tólf ára drengur illa fótbrotinn
Kynnir nýja stefnu í málefnum landamæra í sumar
Magnús Tumi: Gýs líklega á næstu dögum
Mútuðu japanskri mafíu
Goslok hafa ekki áhrif á vinnuna
Fyrsta 360 gráða yfirlitsmyndin frá goslokum
