Gæslan keypti olíu í Færeyjum
Setja bókamerki
Áhöfnin á varðskipinu Freyju hélt sameiginlega æfingu með áhöfnum Brimils, varðskips færeysku landhelgisgæslunnar, og Hvidbjornen, varðskips danska sjóhersins, við Færeyjar í síðustu viku. Var tækifærið notað til að kaupa olíu á varðskipið og spara þannig milljónatugi. Skipherra í leiðangrinum var Friðrik Höskuldsson.
Fyrir æfinguna var ljóst að taka þyrfti um 750.000 lítra af skipagasolíu á varðskipið Freyju, upplýsir Ásgeir Erlendsson upplýsingafulltrúi Landhelgisgæslunnar.
Olían kostaði tæpar 80 milljónir og var tekin í Þórshöfn. Hann segir að erfitt sé að segja nákvæma tölu á verðmismun milli Íslands og Færeyja því að verð byggist á tilboðum sem fengin eru fyrir olíutöku á hverjum stað þann daginn.
Gera megi ráð fyrir að lágmarki 30% verðmun, þ.e. 25-30 milljónum króna. Gæslan þarf ekki að greiða virðisaukaskatt ef olían er keypt í Færeyjum.
Nánar er fjallað um málið í Morgunblaðinu i dag, þriðjudag.
Hægist á eftir mikinn uppgang
„Þakklátur að hanga í toppsætunum“
Níu milljónir í auglýsingar til erlendra miðla
Innviðagjald skili 30 milljörðum
Atvinnuhúsnæði ekki keypt upp í Grindavík
Fullyrðir að kindurnar beri ekki eftirlitslausar
Óásættanlegt hversu langan tíma viðræður hafa tekið