Vinnslur gætu framleitt eigin sótthreinsiefni úr sjó
Setja bókamerki
Gæti hver fiskvinnsla landsins sjálf framleitt allt sótthreinsiefni sem hún notar með aðeins rafmagni og sjó? Það vill Erlendur Geir Arnarson framkvæmdastjóri Ísbliks meina og hefur hann sett upp nokkur tæki hér á landi sem framleiða svokallað ECA-vatn, að því er fram kemur í viðtali í desemberblaði 200 mílna.
„Þarna er tekinn saltvatnspækill ásamt vatni eða sjó inn í tæki þar sem þetta er rafauðgað og þá verður til virka efnið hýpóklórsýra og natríumhýpóklóríð. Hýpóklórsýra er sama efni og hvítu blóðkornin okkar framleiða til að berjast við vírusa og bakteríur. Þetta er um það bil 80% áhrifameira en klór, en af því að þetta er efni sem líkaminn okkar framleiðir er þetta algjörlega hættulaust fyrir allar lífverur,“ svarar Erlendur, spurður hvernig ECA-vatn er framleitt.
Endalausir möguleikar
Erlendur útskýrir að möguleikarnir með þessa tækni sé endalausir. Það sé hægt að koma upp dælum og skömmturum og tengja við tæki af ólíkum toga og hægt að nýta í mismunandi styrkleika á mismunandi svæðum í öllu framleiðsluferlinu.
„Þetta steindrepur bakteríur sem eiga það til að finnast í matvælaframleiðslu eins og t.d. listeríu og salmonellu. Ef þessu er blandað í litlu magni í allt vatn sem er að renna, þá ertu með stöðuga sótthreinsun. Þannig að þú ert ekki bara að sótthreinsa í lok dags heldur er sótthreinsunin í gangi stöðugt eins lengi og vatn er að renna.“
Nánar má lesa í desemberblaði 200 mílna.
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Norskur lögreglumaður dæmdur
Þyngri refsing fyrir að nauðga stjúpdóttur æskuvinar
Breytingar á skipulagi fréttadeildar RÚV
Nemendur í HÍ reistu tjaldbúðir án leyfis
Hvorki sést áður hér á landi né annars staðar