Barnalán hefur leikið við fyrrverandi og núverandi liðskonur Reykjavíkurdætra að undanförnu. Barnahópurinn stækkar ört en síðast í dag tilkynnti Reykjavíkurdóttir að von væri á erfingja.
Í dag, mánudag, greindi tónlistarkonan Þura Stína frá því að hún ætti von á erfingja í apríl með kærasta sínum Arnari Jónmundssyni.
Kolfinna Nikulásdóttir eða Kylfan eins og hún var stundum kölluð eignaðist sitt annað barn í byrjun árs með eiginmanni sínum, Sigurði Möller Sívertsen.
Í sumar greindi fyrrverandi liðskona Reykjavíkurdætra, söngkonan Salka Sól Eyfeld, að hún ætti von á barni með tónlistarmanninum Arnar Frey Frostasyni en þau gengu í hjónaband í lok júlí.
Fleiri konur eru mæður í hópnum. Steinunn Jónsdóttir hefur verið lengi í hópi Reykjavíkurdætra en hún opnaði sig um móðurhlutverkið í viðtali við Barnavef Mbl.is fyrir tæpu ári síðan.