Camilla Rut Rún­ars­dótt­ir, áhrifa­vald­ur og eig­andi Camy Col­lecti­ons, og kær­asti henn­ar Val­geir Gunn­laugs­son njóta nú lífs­ins á skíðum í Austurríki. Parið byrjaði að stinga sam­an nefj­um í haust og op­in­beraði sam­band sitt í nóv­em­ber. 

Camilla og Valgeir renna sér svo samferða í lífinu að þau klæða sig í stíl. Parið hefur verið duglegt að birta myndir úr ferðinni og nýlega birti Camilla mynd af þeim í nánast eins fötum. „Þegar ég fæ að velja outfit dagsins,“ skrifaði smekkkonan Camilla við mynd af þeim turtildúfum. Camilla var í hvítum og bláum skíðagalla en Valgeir í hvítri og blárri peysu með svipuðu mynstri. Þau voru svo með skíðagleraugu í stíl.  

Parið er statt í hinum fræga skíðabæ Ischgl sem margir þekkja af góðum brekkum. Fólk sem er ekki fyrir vetraríþróttir kannast ef til vill við nafnið þar sem mikið var rætt um svæðið þegar kórónuveiran byrjaði að dreifa sér. Nú eru hins vegar allir hressir í Ischgl. 

Camilla og Valli hafa verið dugleg að ferðast síðan þau byrjuðu að hittast. Þau flatamaga ekki bara í sólinni þegar þau eru erlendis. Fyrir jól spiluðu þau meðal annars golf á Spáni og nú eru það skíðabrekkurnar. 

Tengdar fréttir

Vetraríþróttir

Fanney í essinu sínu á Íslendingahóteli í Austurríki

• „Manni líður eins og maður sé að ganga á annarri plánetu“
• „Áhuginn á ferðalögum og útivist kemur klárlega frá mömmu“
• Lét drauminn rætast og flutti til Íslands
• Dagur Sig og Ingunn ástfangin á skíðum

» Fleiri tengdar fréttir

Áhrifavaldar

Þetta eru vinsælustu Love Island-stjörnurnar

• Rúrik opnar sig í viðtali við Sports Illustrated
• Iggy Azalea hefur sagt skilið við tónlistina
• Laufey og Daði Freyr á Lollapalooza
• Svona er dagur í lífi „Done-gæjans“

» Fleiri tengdar fréttir

• Blogga um frétt