Sefur í háhælaskóm

Bandaríska leikkonan Pamela Anderson segist sofa í háhælaskóm. Ástæðan er sú að hún vill stöðugt líta glæsilega út. „Minn versti ávani er að fara í háhæluðum skóm í rúmið, því sumir vilja ekki að það sé potað í þá í rúminu,“ sagði Anderson í nýlegu viðtali.

Í sama viðtali talaði leikkonan mikið um dýravernd, en hún mun vera grænmetisæta og mjög á móti því að fólk klæðist hvers konar dýraskinni. „Ef ég hefði einhverja ofurkrafta myndi ég láta minkapelsa fólks lifna við og ráðast á eigendur sína,“ sagði Anderson ákveðin.