Alls ekkert lát er á vinsældum Mamma Mia!

Meryl Streep og Pierce Brosnan leika bæði í kvikmyndinni Mamma ...
Meryl Streep og Pierce Brosnan leika bæði í kvikmyndinni Mamma Mia Reuters

Söngleikurinn Mamma Mia! nær þeim fáheyrða árangri að endurheimta efsta sæti bíólistans sjöundu viku á lista, en myndirnar sem voru á lista þegar hún var frumsýnd eru allar horfnar úr kvikmyndahúsum núna ef fáeinar þrjúbíósýningar á Kung Fu Panda eru frátaldar. Myndin er nú þegar orðin fjórða tekjuhæsta mynd allra tíma hérlendis og aðeins tímaspursmál hvenær hún nær þriðja sæti listans.

Sem stendur er Mýrin efst á listanum með 90,5 milljónir króna, næst kemur Titanic með 77 milljónir króna og loks Return of the King , þriðja Lord of the Rings-myndin, með 73 milljónir. Mamma Mia! er komin með 70,5 milljónir króna í tekjur nú þegar og allar líkur á að hún nái að minnsta kosti öðru sætinu á þessum lista áður en yfir lýkur – jafnvel því efsta.

Aðsóknartölur aftur í tímann eru nokkuð ótryggar hérlendis en þó er ljóst að einhverjar af fyrstu myndum íslenska kvikmyndavorsins sem og myndir á borð við Gone With the Wind hafa dregið fleiri áhorfendur í bíó, en Mýrin endaði í 84 þúsund manns hérlendis (miðaverð á íslenskar myndir er hins vegar hærra og því er hún efst á tekjulistanum) og Return of the King dró að tæplega 96 þúsund bíógesti árin 2003-4 og því ljóst að Mamma Mia! stefnir a.m.k. í að verða fjölsóttasta myndin hérlendis í tæp fimm ár.

BOB STRONG
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Stjörnuspá »

Hrútur

Sign icon Þú stendur eins og klettur í öllu því róti sem í kringum þig er. Leystu fyrst þinn vanda og þá rekst allt hitt í kjölfarið.

Stjörnuspá »

Hrútur

Sign icon Þú stendur eins og klettur í öllu því róti sem í kringum þig er. Leystu fyrst þinn vanda og þá rekst allt hitt í kjölfarið.