„Gleðilega páska

Grínistinn Steve Harvey, sem komst heldur betur í fréttirnar nýverið fyrir að kynna ungfrú Kólumbíu óvart sem Ungfrú alheim í stað fegurðardrottningar frá Filippseyjum, bætti um betur með því að óska fólki gleðilegra páska á jóladag.

„Merry Easter, y'all!“ (gleðilega páska til ykkar allra) stendur með mynd af Harvey brosandi reykjandi stóran vindil og friðarmerki sem dreift var síðum samfélagsvefja á jóladag.

Harvey, sem er 58 ára gamall grínisti og þáttastjórnandi, las fyrir mistök upp rangt nafn þegar hann kynnti Ungfrú alheim 20. desember sl. Sagði Harvey að Ungfrú Kólumbía, Ariadna Gutierrez, hefði farið með sigur af hólmi í keppninni í ár. Nokkrum mínútum síðar baðst hann afsökunar og tilkynnti að Ungfrú Filippseyjar, Alonzo Wurtzbach, væri réttkjörin Ungfrú alheimur.

• Blogga um frétt